पोखरा । नेपाल निजामती कर्मचारी युनियन, कास्कीले नवौं जिल्ला अधिवेशनबाट केदार सापकोटाको अध्यक्षतामा नयाँ कार्यसमिति पाएको छ । शुक्रबार भएको मतदानपश्चात् राति साढे १२ बजे घोषणा गरिएको अन्तिम मतपरिणाम अनुसार, सापकोटाले आफ्ना प्रतिस्पर्धी विनोद रेग्मीलाई फराकिलो मतान्तरले पराजित गर्दै अध्यक्षमा विजयी भएका हुन् ।
अध्यक्ष पदमा भएको प्रतिस्पर्धामा सापकोटाले ३२५ मत प्राप्त गर्दा उनका निकटतम प्रतिद्वन्द्वी रेग्मीले १६२ मतमा चित्त बुझाए । त्यसैगरी, खुल्लातर्फको उपाध्यक्ष पदमा पनि निर्वाचन भएको थियो, जसमा सुमन शर्मा २८२ मत ल्याएर विजयी भए भने उनका प्रतिस्पर्धी पुरुषोत्तम पौडेलले १८९ मत प्राप्त गरे ।
कार्यसमितिका अन्य पदहरूमा भने सर्वसम्मत नेतृत्व चयन भएको छ । महिला उपाध्यक्षमा रञ्जना पोख्रेल -पौडेल), समावेशी उपाध्यक्षमा नरबहादुर सारु, सचिवमा राजेन्द्र शर्मा, सहसचिवमा मन्जु सुवेदी र कोषाध्यक्षमा दिपक शर्मा पराजुली निर्विरोध निर्वाचित भए ।
यसैगरी, सदस्यहरूमा नारायणराज पौडेल, धनराज पराजुली, डालाराम बसौला, मोहनप्रसाद पौडेल, राजन ढकाल, शारदा सुवेदी र गंगा अधिकारी पनि निर्विरोध चयन भए ।
अधिवेशनले प्रदेश र केन्द्रीय प्रतिनिधिहरूको समेत टुङ्गो लगाएको छ । प्रदेश प्रतिनिधिमा सुदिप रेग्मीले सर्वाधिक ३६६ मत ल्याएर जित हासिल गरे । उनीसँगै दिनेश चापागाईं २८६ मत, चेतराज आचार्य २५७ मत, झलकराज पौडेल २४१ मत र काशीराम पौडेल २३९ मत पनि प्रदेश प्रतिनिधिमा निर्वाचित भए ।
समावेशी कोटाबाट विषनबहादुर थापा र महिलाबाट मिनाकुमारी श्रेष्ठ निर्विरोध चयन भए । यही पदको प्रतिस्पर्धामा रहेका कृष्णचन्द्र न्यौपाने १५६ मत, तेजाखर लम्साल १८५ मत र अर्जुन लामिछाने १२३ मतका साथ पराजित भए ।
त्यस्तै, केन्द्रीय प्रतिनिधिमा उमेशप्रसाद तिवारी ३०६ मत, डिल्लीराज सुवेदी २९४ मत, प्रमोद अर्याल २८० मत, डिल्लीराम रेग्मी २६२ मत र महेन्द्र गुरुङ २११ मतका साथ विजयी भए । महिलातर्फ सीता बराल ढुङ्गाना र समावेशीतर्फ अर्जुन गुरुङ निर्विरोध भए ।
केन्द्रीय प्रतिनिधि पदका अन्य उम्मेदवारहरू प्रेमप्रसाद रेग्मी २१० मत, कृष्णप्रसाद रिजाल २०२ मत, रमाकान्त पौडेल १६७ मत र सिताराम दाहाल १४४ मतका साथ पराजित हुन पुगे ।
निर्वाचन समिति संयोजक अधिवक्ता शालिग्राम भट्टराईका अनुसार, कुल ६ सय ५५ मतदाता रहेकोमा शुक्रबार भएको मतदानमा ५ सय ७ जनाले आफ्नो मताधिकार प्रयोग गरेका थिए । अधिवेशन उदघाटन बिहीबार मुख्यमन्त्री सुरेन्द्रराज पाण्डेले गरेका थिए ।
