विश्वका प्रभावशाली व्यक्तिमा प्रधानमन्त्री बालेन: टाइमको १०० सूचीमा समेटिए

पोखरा । टाइम म्यागेजिनले सार्वजनिक गरेको १०० प्रभावशाली व्यक्तिको सूचीमा नेपालका प्रधानमन्त्री बालेन्द्र शाह परेका छन् । उनलाई यो वर्षको विश्वका मुख्य इन्फ्लुएन्सरहरुको सूचीमा राखिएको हो । ३५ वर्षका यी पूर्व र्यापर गएको मार्चमा नेपालको सबैभन्दा कान्छो प्रधानमन्त्रीमध्ये एक बनेका थिए । म्यागेजिनले बालेनको यो उदयलाई दक्षिण एसियाकै वंशवादी राजनीतिको अस्वीकारका रुपमा उल्लेख गरेको छ ।

बालेन पेसाले सिभिल इन्जिनियर हुन् । उनलाई सर्वसाधारणले बालेन भनेर चिन्छन् । यसअघि उनी काठमाडौंको मेयरमा निर्वाचित भएका थिए । मेयर हुँदा उनले सुशासनका क्षेत्रमा धेरै काम गरे । उनले विशेषगरी फोहोर व्यवस्थापन, शिक्षा र स्वास्थ्य सेवामा सुधार ल्याएका थिए । उनको यही सक्रियता र सुशासनप्रतिको अडानले उनलाई चर्चामा ल्याएको हो ।

नेपालमा चलेको जेनजी आन्दोलनले पुराना पुस्ताका नेताहरुलाई सत्ताबाट बाहिर पुर्याएको म्यागेजिनले जनाएको छ । बालेनको विशाल विजयमा भदौमा भएको घातक प्रदर्शनले मुख्य भूमिका खेलेको दाबी गरिएको छ । त्यो प्रदर्शनले आन्दोलनलाई थप उत्तेजित बनाएको म्यागेजिनले लेखेको छ । अहिले उनी युवा शक्तिको नेतृत्व गर्दै विश्वकै प्रभावशाली व्यक्तिको सूचीमा पर्न सफल भएका छन् ।