एमाले अध्यक्ष ओलीलाई पितृशोक, ९७ वर्षको उमेरमा पिता मोहनप्रसादको निधन

काठमाडौं, २९ फागुन : नेकपा (एमाले) का अध्यक्ष तथा पूर्वप्रधानमन्त्री केपी शर्मा ओलीलाई पितृशोक परेको छ । उनका पिता मोहनप्रसाद ओलीको ९७ वर्षको उमेरमा शुक्रबार बिहान निधन भएको हो ।

केही समययता अस्वस्थ रहँदै आएका उनको भक्तपुरको गठ्ठाघरस्थित अस्पतालमा उपचारका क्रममा निधन भएको पारिवारिक स्रोतले जनाएको छ । स्वर्गीय ओलीका दुई छोरा र तीन छोरी छन् ।

उनको पार्थिव शरीरलाई श्रद्धाञ्जलीका लागि अध्यक्ष ओलीको भक्तपुरको गुण्डुस्थित निवासमा लगिने तयारी गरिएको छ । परिवारका अनुसार आजै अपराह्न काठमाडौंस्थित पशुपति आर्यघाटमा उनको अन्त्येष्टि गरिने कार्यक्रम तय भएको छ ।