गोरखा । गण्डकी प्रदेशका मुख्यमन्त्री सुरेन्द्रराज पाण्डेले १२ औं गोरखा महोत्सव एवं प्रदेश स्तरीय कृषि पर्यटन तथा औद्योगिक व्यापार मेला २०८२ को सोमबार उद्घाटन गरेका छन्। महोत्सवको उद्घाटन गर्दै उनले सरकारी साधन स्रोत कम हुँदा नागरिकको अपेक्षा एकै पटक पूरा गर्न नसकिएको बताए। समग्र लगानी बढाउन सरकारले राजस्वको दायरा बढाउनुपर्ने र यसका लागि उद्योगी तथा व्यवसायीसँग समन्वय आवश्यक रहेको उनले उल्लेख गरे।
